Loading...

5, మే 2012, శనివారం

సమీరమా!




చెలికాని ఊపిరులతో ఎదనింపే పవనమా!
మనసైన ఊసులనే తలపులలో నింపుమా!

కనరాని దూరాల పయనించే సమీరమా!
కనిపించని దూరాలను కరిగించుట సాధ్యమా!

ఒడలెల్లా పులకరముల కురిపించే నేస్తమా!
సడి చేయని రాగాలను వినిపించెదనాగుమా!

కడు మెల్లని నడకలిక చాలించరాదొకో!
వడివడిగా చనుదెంచి అందించ రాదొకో!

సందేశము చేర్చినచో కానుకగా కలలనే
దారులలో పువ్వులుగా పఱచెదనే మారుతమా!

30, ఏప్రిల్ 2012, సోమవారం

ల్లల్లల్లల్ల ల్లల్లల్లా..........


గొల్లవారి ఊరిలోన
మల్లెపూల తోటలోన
వెల్లి విరిసె వెన్నెల

మెల్లమెల్ల ఊయల
మళ్ళిమళ్ళి ఊగుచు

అల్లి బిల్లి ఊసుల
పిల్లగాలి పాటల

చల్లచిలుకు గోపెమ్మ
కల్లలాడు గోపయ్య

నల్లనయ్య నవ్వులా....
పొల్లుపోని పలుకులా.....

ఝల్లుమనెడు గుండెలో
పల్లవించు వలపులు....................