Loading...

1, డిసెంబర్ 2011, గురువారం

అందుకోగలనా !


కనుఱెప్పల లోగిలిలోని తడికి కరిగిపోయే స్వప్నాలవి
సాక్షాత్కారమయ్యేనా ఎప్పుడైనా సత్యాలుగా !
రేయంతా పువ్వులపై నిలిచిన తుషారబిందువులు
తొలికిరణపు తాకిడికి తట్టుకుని నిలిచేనా ముత్యాలుగా !
అందమైనవి, ఆనందపఱిచేవి
అన్నీ క్షణికాలేనా?
అపురూపమైన ఆ క్షణకాలపు మాధుర్యాలను నీ పాదాల చెంత నివేదనగా అర్పించే భాగ్యం ఉందా ప్రభూ!
అంత గొప్ప సంతోషం నాకెదురవుతుందా!
ఒక్క క్షణం .....అరవిరిసిన నీ చిఱునగవులో నేనా స్వర్గధామాల సంతోషశిఖరాల్ని అందుకోగలనా !

                                                   ----------లక్ష్మీదేవి