Loading...

13, ఏప్రిల్ 2010, మంగళవారం

పరీక్షల్లో మాథ్స్ గురించి..

ఈ మధ్య పరీక్షలకు ఒకటికన్న ఎక్కువ సెట్స్ ప్రశ్నాపత్రాల్ని తయారుచేస్తున్నారు. బహుశా కాపీ కొట్టకుండానేమో.
ఈ సారి జరిగిన 12th std. cbse మాథ్స్ పరీక్షలో మూడు సెట్స్ of పేపర్స్ ఉన్నాయి. అందులో 1& 3 సెట్ లో ఒక ప్రశ్న తప్పుగా ప్రింట్ అయ్యింది. అంటే function based question కి particular function ఇవ్వలేదు. దాంతో ఆ ప్రశ్న ప్రింట్ అయిన సెట్ రాసే విద్యార్థులకు ఆ ప్రశ్నను వదిలివేసినా, పూర్తి ఆరు మార్కులు వచ్చేలా అనుమతి ఇచ్చారు.
ఇందులో సమస్యేంటంటే.... మా అబ్బాయి రాసిన సెట్ లో ఆ ప్రశ్నా లేదు, ఆ ఉచిత ఆరు మార్కుల స్కీమూ వాడికి వర్తించే అవకాశమూ లేదు. వాడి బాధ అది కాదు. మేము ఇచ్చిన మూడు గంటల కాలంలో అన్ని ప్రశ్నలకూ సమాధానం రాశాము. కానీ ఆ పర్టికులర్ సెట్ రాసినవాళ్ళకి ఆ ప్రశ్నకు ఆరు మార్కులు ఉచితంగా ఇవ్వటమే కాక, ఆ ప్రశ్నకు సంబంధించిన కాలవ్యవధి కూడా ( ఏ అయిదు నిముషాలో) సేవ్ అయ్యాయి. అంటే మూడు గంటల కాలంలో వాళ్ళు 29 ప్రశ్నలకు బదులు 28 మాత్రమే రాశారు.
కాబట్టి వాడనేదేమిటంటే..
ఆరు మార్కులు ఇవ్వటం కాకుండా పేపర్ని వాళ్ళు రాసిన 28 ప్రశ్నలకు గాను, 94 మార్కులకే correction చేయాలి అంటాడు. అవసరమైతే వచ్చిన మార్కులని 100 మార్కులకు convert చేయాలి అంటాడు.
నాకేం చెప్పాలో తెలీట్లేదు. మాకైతే అందరికీ ఒకే సెట్ ఉండేది కాబట్టి ఈసమస్య వచ్చే అవకాశమే లేదప్పట్లో..

వాడు చెప్పినట్లు చేస్తే అందరికీ న్యాయం జరుగుతుందనిపించినా ఎందుకో పూర్తిగా సమర్థించలేకపోతున్నా.
ఈ విషయం గురించి పూర్తి అవగాహన ఉన్న మిత్రులెవరైనా నా సందేహం తీర్చగలరా?
మన చేతుల్లో ఏమీ లేదనుకోండి. అయినా మనసుకి ఏదో ఒక సమాధానం కావాలి కదా!